بسم الله الرحمن الرحيم
في البداية تحس ان الموضوع غريب بس اقرى القصة واعرف كيف الدكتور فيل (عمر(سوى في مصر نتركم مع القصة .
طبعاً القصة صارت الصيف اللي فات سافرت بداية الصيف وجلست تقريباً شهرين طبعاً الشهرين فتره طويلة بس انا قضيتها في دراسة اللغة الانجليزية في المجلس الثقافي البريطاني في حي العجوزة بالقاهرة المهم درسة اول ترم لمدة شهر وتعرفت في هذا الترم على ثلاث شباب اثنين سعوديين وواحد عراقي وكنا في كلاس واحد وبعد ما نخلص نجتمع في الليل ونروح نسهر وكنا عايشين حياة هنية وطبعاً نسيت اقولكم انا كنت ايامها لما اشوف بنت خدودي تحمر واستحي وما اعرف اتكلم وشلون لو اتكلمت معي يغمى علي على طول المهم خلص الشهر الاول وكملت الشهر الثاني انا وواحد من السعوديين وهو من جده واول يوم جينا بدري دخلنا القاعة وجلسنا وجت المدرسة برضوا بدري وقامت تكلمنا بالانجليزي طبعاً انا مخي مقفل ولا فهمت اي شي دخلوا الطلاب بس في طالبتين جديدتين في الفصل اطالع فيهم وابلم ايش الجمال هذا فيهم جمال ما شاء الله الله لا يضرهم وطبعاً باقي الطلاب وانا نعرف بعض والميس ( المدرسة ) تعرفنا طبعاً المدرسة سالت الطالبتين عن اسماءهم الاول نجلاء وهي اللي هي مووووت والثانية نورا وهي حلوة بس مو احلى من نجلاء والبنات من السعودية وانا بحكم خبرتي قدرة اعمارهم بين 18 و 20 .
صاحبي السعودي واسمه بدر قالي لازم نتعرف على البنات انا طبعاً شايل الفكرة من راسي بنات وانا اتعرف عليه لا لا انا يغمى علي على طول والمهم راح اسبوع وبائت محولات بدر بالفشل الذريع للتعرف على البنات لان اسلوبه فاشل هههههههههه بس إلين جاء يوم الثلاثاء من الاسبوع الثاني طبعاً في عندنا استراحة مدتها ساعة طلعنا الاستراحة ووقفت انا بدر قدام القاعة عشان حضرت الاستاذ بدر يبي يكحل عيونه بشوف القمر هههههههههههه المهم واحنا واقفي الاقي واحد بريطاني في الحديقة معه جيتار يعزف عليه انا على طول سفهت بدر ورحت حتى ما كلمته وجلست قدام البريطاني وهو يعزف خلص عزف وحط الجيتار جنبه طبعاً انا سعودي وقوي عين طلبت منه الجيتار عشان اعزف طالع فيني باستغراب وعطاني الجيتار المهم جلست اعزف عليه شوي إلا والبريطاني يكلمني كلام غريب طبعاً الكلام الغريب هو اللغة الانجليزية واخوكم راسه مقفل حتى الان في الانجليزي إلين ماجا شخص مصري كبير في السن وترجم لي ان البريطاني يسأل انا من وين قلته من السعودية وبعدين بدأالديك البريطاني يصارخ مرة ثانية انا قلت في نفسي اقوم اللحين باطقه بالجيتار واهرب لانه ازعجني بس المصري ترجم ان البريطاني يقول انه يبي يسمع اغنية من التراث السعودي قلت ايوه هذا اللحين وش اغنيله ماني مغنيله سامري يطيح قلبه اهـ وش اغنيله قلت ما في الا هذي يبيها وإلا بكيفه طبعاً انا الجيتار صعب العزف عليه مو زي العود حاولت إلين ما دوزنت الجيتار وغنيتله فوق هام السحب للمحمد عبده المهم وانا اغني اشوف الرجال مبسوط واشوف شخص وراه وبدت عندي حالت الارتعاش ولخبطت في الاغنية وبعدها وقفت واعطيت البريطاني جيتاره وشكرته وامشي واشوف الشخص مره ثانية بس هذي المره يشاورلي وش السالفة يا ولد وامشي كني ماعرفه واجلس على طاوله ويجي السخص هذا يكلمني تخيلوا مين هذا الشخص هذي نجلاء انا تعرفون اللي كنت ابي اموت وخدودي حمرت ونجلاء تكلمني وتقول ممكن اجلس معك قلتلها اي ي ي يه هه طبعاً انا ماعرفت اتكلم جلست هي وصاحبتها وصارت تكلمني تقول ما شاء عليك تعرف تدق على الجيتار انا طبعاً بديت ارد بس عيني على الارض وقاعدين نتكلم وفطرنا وانا عيني على الارض وهي وصاحبتها يضحكون علي المهم قالولي تعال نتمشى شوي قلت ما في مشكلة وامشي معهم كني سواق عائلة هههههههههه وشوي قالتي ابروح الحمام وانا ما انتبهت على الكلام وهم يمشون وانا امشي وراهم واطالع الارض يقالك مستحي وانا اساساً مفهي المهم وانا امشي اشوف لون الارضية تغير لا ماتغير صارت بلاط لونه ابيض وارفع نظري إلا انا في حمام الحريم وعين ما تشوف الا النور اللي تصارخ ونجلاء تضحك انا طاح قلبي بس طلت ذكي هربت باقصى سرعة ورحت حمام الرجال إلا وألاقي الاخ بدر واقله السالفة كلها والاخ يجلس يمسك بطنه من كثر الضحك وطلع من الحمام وانا جلست خمس دقايق بعد انتهاء البريك واطلع راسي من الحمام واطالع في احد وإلا ما في ومل لقيت احد ورحت للقاعة وقلت اللحين هذي المدرسة بتصجنا بس خلني ادخل واعتذر واول ما ادخل وتشوف المدرسة إلا هي تضحك والطلاب كلهم يضحكون واشوف نجلاء تضحك وتشاور على الكرسي اللي بجنبها فاضي يعني اجلس فيه واروح واجلس وبعدها راح الخجل مني وصرت قوي عين حتى على البنت والمشكلة اني حتى الان بعد الدراسة ما كلمتها ولا هي كلمتني .
ها وش رايكم في القصة مره حلوة صح
اقول ابغى احلى ردود يا احلى اعضاء
موضوع: عمر في مصر 
الأحد مارس 09, 2008 10:42 am
