لوعة حب في قلبي هزت فيه زلزاله..

قصيدة أعجبتني فجلبتها لكم

وان شاء الله تنال استحسانكم


رمتني أقدار رب الكون على ساحل ألم وأحزان..
رمتني وأتعبتني حيل عن الغالي وعن ظلاله..

أنا مقدر أفارقه وأفارق صوته الرنان..
ولا أقدر أطالعه ظروفي تمنع أطلاله..

وهمي لوتشيله أرض هزت فوقها البنيان..
وحزني لويشيله كون هدت باقي جباله..

كفاني ياحزن تكفى تراني في النهايه إنسان..
لا أقوى ولا أتحمل حزين وحالتي حاله..

حالي يكسر الخاطر وهمي كسر الجدران..
وقلبي بالحزن متروس ودمعي أصغر عياله..

أبتصبر ولا أقدر وقلبي مسكنه نيران..
لوعة حب في قلبي هزت فيه زلزاله..

مجرى الدمع على وجهي يرسم لوعة الحرمان..
ويستغرب عيون الناس لين الدمع ماجا له..

أنا والحزن والدمعة على مر السنين أخوان..
وفرحي مايحس فيني ولا أخطر على باله..

أنا ماظنتي أفرح وقلبي مفارق الخلان..
مدام الحزن متشتت صعب أمطاري ينهاله..

وحظي آآآه ياحظي مقدر لأن ماقد بان..
دايم عابس بوجهي ويقهرني على باله..

وهمي آآآه ياهمي يحاربني وهوالكسبان..
ويجمع[شلة الأحزان]وبها قلبي لحاله..

سؤال..؟أكرره دايم متى ينادوني الفرحان،
متى نلقى أحبتنا ونشرب وقتها بياله..

متى الحظ يضحك لي؟ ونسمع أجمل الألحان..
متى نفرح؟ متى نضحك؟ متى نفارق هالحاله..