.. سـامحيـني ..

طالْعي فِـخطوط كفّي ما بها دربٍ لغيـرك
واقرَيْ فنجالي تشوفي ما بهِ الاّ ريق فمّـك
.
ما أشوف الا جمالك مـا أشـمّ الا عبيـرك
يا هناة الرّوح منهو بعـد فرقايـه يلمّـك
.
سامحي وحْدٍ يحبّك للشّدايـد هـوْ ذخيـرك
واعذُري قلبٍ تفطّر، بين جِنحانـه يضمّـك
.
الشّفَق خطّه بعيني أحمرٍ يرسـم مصيـرك
يا بقايا روحيِ يكفي وقّفي من نزف دمّـك
.
إن نويتِ البعد فضلاً خفّفـي بالله مسيـرك
اذكري حُبٍّ جمعنا كان حبّـي لـك يهمّـك
.
يا عسى تتراجعي وتعوّدي في خطّ سيـرك
نبتدي حُبٍّ جديدٍ وارمـيَ اشواقـي ليمّـك
.
أشتفي من زمّ ريقك وارتوي من مُزن خيرك
كلّ حُبّي لو نثرته خصّكِ انتي مـا يعمّـك
.
سلهمي برموش عينك سمّعيني نغم طيـرك
دثّريني لو سمحتي حتى لو باطراف كُمّـك


اتمنى تعجبكم